Er hægt að skilgreina hamingju?

Er hægt að skilgreina hamingju? Ég hefði haldið að hamingja væri alveg óskaplega einstaklingsbundið fyrirbæri. Það sem gleður einn getur sært annan..!

En ef við ákveðum að skilgreina ekki hamingju og skoðum þessa litlu frétt um hversu hamingjusamir íslendingar eru, ætti það eitthvað að koma okkur á óvart..? 

Ég myndi segja að hamingjan sé mjög vanmetin hér á Íslandi... Fólk áttar sig ekki á hvað það hefur það gott, miðað við raddir sem ég hef heyrt vegna þessarar fréttar! Það sem við íslendingar túlkum sem óhamingju er jafnvel bara hlægilegt í augum fólks út í hinum stóra heimi, fólki finnst við sjálfselsk og grunnhyggin að sjá ekki heiminn í víðara samhengi.

Ég hef ferðast töluvert um heiminn ásamt því að fylgjast ágætlega vel með öllum heimsins málum. Á ferðalögum hið ytra lærir maður að virða okkar yndislega Ísland og áttar sig á því hvað við eigum það gott hérna heima. Þó svo að ferðalög séu bæði skemmtileg og fræðandi þá er tilfinningin alltaf best þegar maður kemur út í óútreiknanlegt íslenskt veðrið á Leifsstöð og heldur heim á leið. Stoppar kannski í sjoppu og kaupir snarl og ískalda kókómjólk glaður eftir vel heppnað æfintýri einhverstaðar úti í heimi.


En því miður lifir eymd og volæði hér líkt og annarstaðar, en að mínu mati er það í minni mæli hér heldur en á mörgum öðrum stöðum í heiminum. Við ættum kannski að reyna að hafa það í huga og leggja í vana okkar að gleðjast yfir því hvað við eigum það gott!

Ég hef svo oft velt því fyrir mér hversu heppin ég er að hafa fæðst sem íslendingur. Fá að anda að mér íslenska loftinu, drekka íslenska vatnið, borða íslenskan mat og fá öll þau frábæru tækifæri sem ísland getur boðið mér upp á. Hér hef ég allt sem gerir mig hamingjusama og það hlýtur bara að ganga yfir fleiri heldur en bara mig.

Á ferðalögum hið ytra finnst fólki einnig oft mjög merkilegt að hitta mig íslendinginn... T.d. á ferðalagi um Kanada og Bandaríkin í sumar lenti ég ansi oft í því að fólk varð alveg óskaplega áhugasamt um mig og okkar fallega Ísland þegar það heyrði hvaðan ég væri. Fólk hélt að við þekktumst öll sem eitt það hlyti bara að vera því við værum svo fá. Eins hlytum við bara að vera alveg óskaplega sérstakur þjóðflokkur sem byggi svona á einni eyju en þekktumst kannski alls ekki öll   Og ég tala nú ekki um þegar talað var um vatnið, hreinaloftið og sakleysið sem býr sem betur fer enn meðal okkar!!!

En ég segi íslenskt játakk!!!
og held áfram að vera glöð yfir því að vera íslensk

Hamingja á Íslandi

Flott að svara fyrir sig!

Jahá mér finnst sniðugt hjá Birgittu að svara svona lista vel fyrir sig... Engin heift eða leiðindi aðeins jólakort þar sem hún upplýsir Jens Guð enn betur um málið!

Fólk ætti nú að taka þetta háttalag Birgittu og gera að sínu! Þeir sem vilja ekki láta vaða yfir sig t.d. afhverju ekki að taka jákvætt á málunum og sína innri styrk í leiðinni! Ekkert fær högg stað á mér

En allavegana þá fær Birgitta Haukdal hrós dagsins frá mér!!

Fannst Birgitta Haukdal of gul

Hræðslan alveg að fara með þá þarna!

jahá... það er ekki  öll vitleysan eins! Ég var í Bandaríkjunum í sumar ekki frásögufærandi svo sem en... Það sem stakk mig allra mest fyrir utan hvað fatastærðirnar eru kannski ógurlegaobboðslegagígantískt stórar... var hræðsluáróðurinn sem var stanslaust í sjónvarpinu. Á hverju kvöldi þegar komið var á hótelið eftir langan dag í keyrslu var auðvitað slappað af og kveikt á sjónvarpinu. Auglýsingarnar eru langar og miklar þarna og ein þeirra var alveg að gera okkur vitlaus.. Hún gekk út á það að minna fólk á að skipuleggja vel alla hluti og vera tilbúin ef ske kynni að Bandaríkin myndu lenda í hryðjuverkaársum aftur. Auglýsingin byrjaði að mig minnir: Ert þú með plön ef Bandaríkin verða fyrir árásum hryðjuverkamanna, hvaða leið er fljótlegust til að sækja börnin á leikskólann o.s.frv.

Þetta er svo mikill heilaþvottur þarna ytra að ég er ekkert hissa þó þeir geri mikið mál úr saklausu símtali 16 ára unglings frá Íslandi! Fólkið lifir í endalausri hræðslu og paranoiu. Það er svo sorglegt að lifa svona, enda var líka ágætt að koma heim aftur á Íslandið góða!

Skagapiltur pantaði viðtal við Bush

Hvað með geðrannsókn?

Hvernig er það.. Er ekki fólk sent í geðrannsókn þegar það keyrir svona hratt? Úffs og ég tala nú ekki um að sektin hlýtur að vera stór ásamt því að gaurinn hlýtur að þurfa að þreyta prófið aftur? Ætli þessir krakkar viti það ekki??

Ég vona svo sannarlega að hann ásamt fleira fólki fari að spá í þessum þáttum ásamt því hvaða hryllilegu afleiðingar svona hraðakstur getur valdið..!!

Sautján ára á 212 kílómetra hraða

Hann hefur kannski lært eitthvað?

Það er frábært hjá gaurnum að gefa sig fram, sýnir jafnvel pínu þroska?! Vonandi hefur þetta einnig kennt honum sitthvað! Annars bendi ég bara á annað blogg sem ég skrifaði um sama mál..

http://lostintime.blog.is/blog/lostintime/entry/384076/#comments

kveðja Guðný Lára

Ökufantur gaf sig fram

Á örugglega eitthvað sökótt við löggumanninn..!

 

Ég var að renna yfir bloggfærslu hjá einhverjum sem skrifaði um þessa frétt. Sá hinn sami segir þetta ekki frétt þar sem þessi ökumaður sé að keyra svo lítið yfir hámarkshraðanum! Það eigi frekar að skoða suðurlandsveginn og þá aðila sem eru að keyra of hratt þar við allskonar aðstæður. Jú það er mjög líklega satt að skoða þurfi allar aðstæður þar og betrum bæta á einn eða annan hátt. En það má þó ekki horfa fram hjá því sem á sér stað hér líkt og myndin sýnir.. bæði keyrir maðurinn of hratt gefur finguinn og ég tala nú ekki um barnið sem situr í framsætinu hjá honum!!

En hummm segi ég nú bara! Sérstaklega þar sem íbúðahverfi er, þar þarf fólk að hafa varann á og sleppa svona "attitjúdi" líkt og þessi gaur er að sýna á myndinni. Það hlýtur að vera enn ofarlega í hugum allra þessi hræðilegi atburður sem átti sér stað fyrir nokkrum dögum í Reykjanesbæ!!!

Ég tel að hraðatakmarkanir skuli virða og fara eftir, slíkar takmarkanir eru ekki settar til að angra landsmenn!

Þó svo að ég sé enginn engill þegar kemur að svona málum, þá virði ég alltaf hraðatakmörk inn í íbúðargötum! Það er kannski dálítið annað mál þegar kemur að "hraðbrautunum" okkar hér á Íslandi.... En að sjálfsögðu þarf að keyra eftir aðstæðum!

En talandi um þennan gaur sem viðrist gefa myndavélinni fingurinn... Hann á alveg greinilega eitthvað erfitt og líklega óuppgerð mál við lögregluna. Og með þessari aðferð telur hann sig líklega vera að vinna vel í sínum málum? Jahá ég sé þó ekkert annað en hann geri lítið annað en að skemma fyrir sjálfum sér. Og með þeim orðum vona ég svo sannarlega að löggumanninn finni hann og eigi við hann orð, áður en eitthvað verra gerist...

Huldi númerið og ók of hratt

Slys á yngri árum talið hafa valdið minnisleysi!

Ég var að vafra um netið og fann frétt um þetta mál... Svo virðist sem kajakræðarinn hafi lent fyrir bíl á yngri árum sem olli slæmum höfðuð meiðslum. Læknar sögðu þá að þessi meiðsl gætu orsakað minnisleysi síðar á hans lífsgöngu... Kannski hefur minnisleysi hrjáð hann í öll þessi ár..?? Ekki er endilega að sjá að hann hafi eitthvað sérstaklega þurft að flýja konuna sína vegna útlitsins... En ég einmitt sá einhverja bloggfærslu áðan um sama mál.. og þar var fólk að velta því fyrir sér hvernig konan lítur út....



hér er brot af þessari grein sem ég fann:

"His father Ronald, 91, of Blackhall Colliery, Co Durham, said: “I always thought he would turn up.”

Mr Darwin said when his son was four or five he was knocked down by a car and suffered a head injury, which could have caused amnesia later in his life."

Forvitnispúkar eins og ég geta nálgast greinina í fullri lengd á þessum stað: http://www.thesun.co.uk/sol/homepage/news/article535722.ece

Týndur í fimm ár

"Saklaus uns sekt er sönnuð"... eða?

Jæja fyrst ég byrjaði  að skoða þetta mál í gær er þá ekki kjörið að halda áfram í dag? Nú hafa flestir fréttamiðlar sem fjalla um mál Emily Sanders, tilkynnt líkfund. Eins og glöggir lesendur fréttarinnar hafa séð er talið að líkið geti verið af stúlkunni. Dánarorsök er ekki ljós en líklega mun krufning leiða hana í ljós.

Áhugavert er að vefsíðan www.zoeyzane.com þar sem meintar nektarmyndir af henni voru birtar var lokuð í gær. Í dag er hún þó opin aftur en engar nektarmyndir finnast þar lengur. Þess í stað er yfirlýsing frá stjórnendum síðunnar þar sem þeir virðast vera að stofna einhverskonar fundarlaunasjóð og vilja þannig stuðla að því að hinn grunaði , Israel Mireles, verði handtekinn og færður til saka. Hvort þetta sé til að forðast slæmt umtal "þessa" módel iðnaðar veit ég ekki, en manni dettur það þá sterklega í hug! En batnandi mönnum er best að lifa á meðan þeir batna á einlægann hátt ekki satt?...

Burt séð frá því segir rannsóknarlögreglan margar vísbendingar hafa komið upp á borð hjá þeim  tengdar þessum módel bransa. Engin af þeim vísbendingum hinsvegar leiddi þá áfram við rannsókn málsins. Því virðast þeir sannfærðir um að hennar aukavinna sé ekki á neinn beinan hátt tengd hvarfi Emily eða hugsanlegu andláti.

Nú er alltaf sagt: "saklaus uns sekt er sönnuð". Auðvitað viðgengst það í þessu máli líkt og öðrum. En miðað við heimildir lögreglu er augljósast að gruna þennan mann um voðaverk. Blóðugt hótelherbergi, týnd rúmföt, Emily sást síðast með honum og ég tala nú ekki um að hann virðist vera horfinn sporlaust af yfirborði jarðar ásamt ungri unnustu sinni. Fregnir herma einnig að ættingjar Israels Mireles vilji ekki tjá sig mikið um hann eða hvar hann sé. Lögregla telur þó að ættingjarnir viti hvar hann er en vilji ekki segja til hans. Grunur er einnig um að hann sé á leið til Mexico ásamt unnustunni , þar eigi hann einnig ættingja.

Já þetta er flókið mál sem ég vona svo sannarlega að leysist sem skjótast! Þó svo að þetta sé ekki eina hvarfið sem á sér stað í heiminum þá er búið að blása þetta mál upp allsvakalega! Líklegast vegna þess að hún á að hafa verið meint "klámstjarna" sem ég get ekki séð að hún hafi verið. Ég fann einhverjar myndir af henni sem sýna hana eina stilla sér upp eða með 2 vinkonum sínum. Engin video hafa verð birt af henni svo ég viti aðeins ljósmyndir! EF fólk er titlað klámstjörnur vegna ljósmynda sem teknar eru af þeim þá ættu nú margir að passa sig...









hér er svo uppfærð mynd af grunuðum morðingja Emily Sanders þekktur undir nafninu Israel Mireles. Vinsamlegast látið lögreglu vita ef þið verðir vör við ferðar hans...

Góða helgi....

Lík bandarískrar háskólastúdínu talið fundið

Það vantar í þessa frétt!

ÉG er forvitin manneskja að eðlisfari... ég googlaði nafnið á þessari stelpu og fann að lokum betri frétt sem er mun ýtarlegri en fréttin á mbl...

Stelpan sem hvarf sást t.d. síðast yfirgefa bar í El Dorado með einhverju strák sem hún kynntist þar sama kvöld að nafni  Israel Mireles.  Svo virðist vera að maðurinn hafi eftir þetta ekki mætt til vinnu. Atvinnurekandi hans ákvað þegar svo var í pottinn búið að mæta á mótelherbergið hans og athuga hví hann mætti ekki til vinnu. Á herbergi Israel Mireles blasti við ansi ljót sjón; herbergið í rúst, mikið blóði í herberginu og rúmfötin horfin!

Nokkru áður hafði Emily Sanders (stelpan sem hvarf) skrifað undir samning við stjórnendur einhverrar klámsíðu um birtingar á klámmyndum af henni. Á þakkargjörðardaginn nú ný verið talaði hún við foreldra sína vegna þessa og sagði þeim við hvað hún starfaði í frítíma sínum. Í kjölfar þessa er sagt að kærastinn hafi hætti með henni þar sem honum líkaði ekki "aukavinnan".

Svo virðist sem þetta sé hið flóknasta mál.. og auðvitað sorglegt. Fólk virðist heldur ekki vera sammála um hvort hvarf hennar sé tengt "aukavinnuni" hennar eða ekki.... Það fyrsta sem mér datt í hug var einmitt að einhver "stokker" hefði rænt henni eða afbrýðisamur kærasti hafi gengið of langt.... En ég vona svo sannarlega að það sé í lagi með hana einhverstaðar þarna út í heimi...!

Mér finnst ekki rétt að dæma þessa aumingja stúlku útfrá aukavinnu sinni þar sem við vitum ekkert um hennar aðstæður, hvorki í einkalífi né öðru!! því segi ég við ykkur sem viljið strax skella skuldina á þessa stúlku: gagnrýnið ekki náungann nema geta tekið gagnrýni sjálfir!

hér er hægt að nálgast ýtarlegri frétt um þetta mál á ensku: http://www.kctv5.com/news/14715805/detail.html

Háskólastúdína lifði tvöföldu lífi

Vegurinn ber ekki alla þessa umferð!

Þessi slys á suðurlandsvegi eru alveg hræðileg! Ég auðvitað vona eins og maður vonar alltaf að þetta sé minna heldur en talið sé!!

Ég fer alltaf af stað í símann og hringi hægri vinstri í fólkið mitt þegar svona fréttir koma... það er svo stór hluti ættingja minna ákkúrat á þessum slóðum...

Málið er að ég bjó á Selfossi í mörg ár og keyrði þar af leiðandi oft þennan veg til Reykjavíkur. Það eru ekki nema svona 4-5 ár síðan ég bjó þarna..! Þá man ég ekki eftir svo tíðum slysum á þessum vegi. Ástæðan hlýtur augljóslega að vera aukin umferð bæði einstaklinga jafnt sem mikið af vinnuvélum sem eiga leið um þennan sama veg.

Nú heimsæki ég oft vini og ættingja suður og er yfirleitt með mikinn óhug og sting í maganum þegar ég er að keyra þarna! Maður vill vera vel á varðbergi og passar sig á öllum... En við vitum það öll að slysin gera nú yfirleitt ekki boð á undan sér og þar af leiðandi getur maður ekki passað sig og sína 100%.. hvort sem er þarna eða annarstaðar.

Ég reyndar verð að viðurkenna að ég veit ekki hvort það sé búið að ákveða að gera suðurlandsveg tvöfaldann.. en segja þessi tíðu slys þarna ekki til um hver þörfin er?????  Ég allavegana tel að þörfin sé mikil á tvöföldun á þessum vegi.. og það er bara til skammar að fólk hafi og/eða þurfi að rífast yfir því!!!

Umferðarslys á Suðurlandsvegi